كيكة سويدية

بسم الله الرحمن الرحيم
والحمد لله ربِ العالمين إله الأولين والآخرين
وصل اللهم على محمد وآلِ محمد وعجل فرجهم ياكريم
اللهم صل على فاطمة وأبيها وبعلها وبنيها والسر المستودع فيها

السلام عليكم ورحمة الله وبركاته



المقادير للصينية الكبيرة بحجم 30*30 سنتمتر

5 بيض
4 أكواب سكر
2 كوب حليب
200 گرام زبده
4 ملاعق متوسطة الحجم بيكن باودر
2 ملاعق متوسطة الحجم فانيلا
6 أكواب طحين
4 أكواب كاكاو بودره إلي لونه بني وليس الكاكاو المر

الحشوة
100 گرام زبده
2 علب قشطة (گيمر)
300 گرام كاكاو قطع الخاص بالأكل

درجة الفرن 180
والوقت 35-40 دقيقة

الطريقة أشرحها بالعراقي وإلي ما يفهم علي يگولي

نحضر طاسة ونخلي بيها البيض ونخفقة كلش زين لمدة عشر دقائق او شوي اكثر وبعدين نخلي فوقه الفانيلا ونخفق زين وبعدين نخلي السكر ونخفق زين ونخلي الحليب ونخفق زين ونذوب الزبده ونخليها فوقه ونخفق زين ونخلي الكاكاو ونخفق زين وبعدين نخلي البيكن باودر ونخفقه شوي ونضيف الطحين شوي شوي أول شي ثلاث أكواب ونخفقه ونضيف الثلاث أكواب بالاخير ونخفقه شوي ونحضر الصينية ونخلي فيها ورق الخاص بالشوي وقبلها نكون فاتحين الفرن على 180 درجه ونخليها بالفرن لمده ما بين 35 و 40 دقيقه ومن نطلعها نضيف فوقها الحشوة

طريقة الحشوة نحضر قدر ونخلي فيه الزبده حتى تذوب وبعدين نكسر الكاكاو القطع ونضيفه من نشوفه ذاب كلش نشيله عن الطباخ ونخلي القشطة ونخلطها حتى تصير كلها نفس اللون وبعدين نخليها على وجهية الكيكة وندخلها للفريز نخليها تقريبا ساعه ونص وبعد ما تطلعوها تردون تاكلوها برشو عليها شوي كاكاو للزينه او ألف عافية عليكم

هاي الصور مالت الكيكة والي يريد يسوي كيكة صغيره يستخدم نصف المقادير المذكوره ونصف مقادير الحشوة ماكو مشكلة



وهاي بعد ما نبرش عليها الكاكاو



ألف عافية عليكم وإن شاء الله تعجبكم

سهله ما يرادلها شي تعلمناها من أقاربنا في السويد

وصل اللهم على محمد وآلهِ الطيبين الطاهرين