ها يباچر ...؟؟

موضوع: ها يباچر ...؟؟ الأربعاء أغسطس 15, 2007 6:59 am

ها يباچر... ؟؟

ـــــــــــــــ
من يگول عيون باچر
من تجي منگول باچر
نخلص من البينه غتغت
من ظلم هذا اللي قاهر
ها يباچر
يرجع ابلادي يتعافه......؟
ويشفه من ذيچ الجروح
ويخلص امن (سعودي) غادر
ها يباچر
ننجمع والغرّب ايرد.......؟
من يجي ويشوف ناسه
ارتاح من جور اللي قاسه
وبعد ميفكّر يهاجر
ها يباچر
يرجع ايغرد طفلنه.........؟
وينشد ابحبه الوطنه
وبيْه تتكحل نواظر
ها يباچر
ترجع الوادم عصاري.........؟
تطلع تشم العذيبي
وتشتم ابطيبة خواطر
ها يباچر
شكثر بي صندوگك النه....؟
ماتورج تخفي عنّه
ظام من هاي الخناجر
ها يباچر
اجروحي ما اعرف عددهه
وگمت ماحسّن بالمهه
اشچم جرح جواك باچر...؟
ها يباچر
شوف اگلك كلمه اخيره
اوياك ماظل انه ابحيره
لو تجينه بغيث باچر
لو زبيل اتراب
حگّي
اخر المحصول
منك
هسه اريده
شنهو رايك
.
.
.
لا يباچر
بيك نتأمل مظنه
ماتظل اويانه محنه
اويحله ليلك للمساهر

ها يباچر
امس راح اوله غابر
زاعته حتى المقابر
تمم الفرحه يباچر
.
ها يباچر
ابقى
باچر
بانتظارك
آنه
باچر